ქართული პოლიცია ”ბუფერულ ზონაში” რვა სოფელს აკონტროლებს
დევნილების დაბრუნება უსაფრთხოა ხაშურის, ქარელის, კასპის რაიონებში, ასევე ქალაქ გორსა და მისი სამხრეთით მდებარე ყველა სოფელში, აცხადებს შინაგან საქმეთა სამინისტრო და აღნიშნავს, რომ ამ ტერიტორიებზე ”სრულად” აკონტროლებს სიტუაციას.
რუსეთის თქმით, თბილისი ახალი კონფლიქტისთვის ემზადება
რუსეთის შეიარაღებული ძალების გენშტაბის უფროსის მოადგილემ ანატოლი ნოგოვიცინმა 23 აგვისტოს მოსკოვში გამართულ პრესკონფერენციაზე განაცხადა, რომ საქართველო თავისი სამხედრო პოტენციალის აღდგენას განმეორებითი აგრესიისთვის აპირებს.
საქართველოს პარლამენტის თავმჯდომარე დავით ბაქრაძე, მისი მოადგილე მიხეილ მაჭავარიანი და ევროატლანტიკური ინტეგრაციის საკითხებში სახელმწიფო მინისტრი გია ბარამიძე აშშ-ში გაემგზავრნენ.
”რუსების გასვლა კარგი დასაწყისია, თუმცა ბრძოლა ჯერ არ დასრულებულა” - სააკაშვილი
პრეზიდენტმა სააკაშვილმა განაცხადა, რომ ” სართაშორისო საზოგადოების უპრეცენდენტო ზემოქმედებით” რუსეთმა დაიწყო ძალების გაყვანა საქართველოს ტერიტორიის სიღრმეში არსებული ქალაქებიდან, რასაც მან ”კარგი დასაწყისი” უწოდა.
ბუში და სარკოზი აცხადებენ, რომ რუსეთმა უნდა შეასრულოს ვალდებულება
აშშ-ს პრეზიდენტმა ჯორჯ ბუშმა და საფრანგეთის პრეზიდენტმა ნიკოლა სარკოზიმ სატელეფონო საუბარი გამართეს და აღნიშნეს, რომ ”რუსეთი არ ასრულებს” ცეცხლის შეწყვეტის შესახებ აღებულ ვალდებულებას, განაცხადა თეთრმა სახლმა 22 აგვისტოს.
რუსეთი ძალების გაყვანის დასრულების შესახებ იტყობინება
რუსეთის თავდაცვის მინისტრმა ანატოლი სერდიუკოვმა პრეზიდენტ მედვედევს აცნობა, რომ რუსულმა ძალებმა ”უკან დაიხიეს საქართველოს ტერიტორიიდან,” განაცხადა რუსეთის თავდაცვის სამინისტრომ 22 აგვისტოს გავრცელებულ განცხადებაში.
უთანხმოება ცეცხლის შეწყვეტის შეთანხმების ინტერპრეტაციაზე და ”ბუფერულ ზონებზე”
საქართველომ დაჟინებით მოითხოვა, რომ რუსულმა ძალებმა ”დამატებითი უზაფრთხოების ზომები” - როგორც ამას ცეცხლის შეწყვეტის შესახებ ექვსპუნქტიანი შეთანხმება ითვალისწინებს - ცხინვალის გარშემო არსებულ 15-კილომეტრიან კონფლიქტის ზონაში განახორციელონ.
საქართველოს 1-2 მლრდ დოლარის დახმარება სჭირდება - USAID
საქართველოს მთავრობას 1-2 მილიარდი აშშ დოლარის დახმარება სჭირდება რუსეთთან შეიარაღებილი კონფლქიტის შემდეგ ინფრასტრუქტურის აღდგენისა და განვითარებისთვის, განაცხადა USAID-ის ადმინისტრატორმა ჰენრიეტა ფორმა 22 აგვისტოს.
რუსეთი ფოთზე და სენაკზე კონტროლის დამყარებას გეგმავს
რუსული სამხედრო რუქა, რომელიც საქართველოში მათი ძალების დაგეგმილ განლაგებას ასახავს, იმაზე მიანიშნებს, რომ რუსული ჯარები არ აპირებენ სენაკის და ფოთის კონტროლზე უარის თქმას.
რუსეთს 2 412 ჯარისკაცი ეყოლება აფხაზეთში სამშვიდობო მისიის ფარგლებში, განაცხადა რუსეთის შეიარაღებული ძალების გენშტაბის უფროსის მოადგილემ ანატოლი ნოგოვიცინმა 22 აგვისტოს. ამის შესახებ რუსული საინფორმაციო სააგენტოები იტყობინებიან.
ეუთოს 20 დამკვირვებელი სამხრეთ ოსეთის მიმდებარე ტერიტორიაზე კვირის ბოლოს განთავსდება, განაცხადა ეუთოს მოქმედმა თავმჯდომარემ, ფინეთის საგარეო საქმეთა მინისტრმა ალექსანდრე სტუბმა 22 აგვისტოს თბილისში.
რუსულმა ძალებმა გორში და მიმდებარე სიმაღლეებზე თავიანთი საგუშაგოები მოხსნეს, ხოლო ჯავშანმანქანები ქალაქის შესასვლელშია მოგროვილი, განუცხადა შიდა ქართლის გუბერნატორმა ლადო ვარძელაშვილმა ჟურნალისტებს 22 აგვისტოს.
რუსეთის შეიარაღებული ძალების გენშტაბი: •რუსული ძალები უკან დახევის საბოლოო ეტაპზე არიან; •უკან დახევის დაჩქარება გეგმაში არ არის; •რუსეთს არ სიამოვნებს ნატოს გემების ყოფნა შავ ზღვაში.
რუსეთის შეიარაღებული ძალების გენშტაბმა განაცხადა, რომ მისი ძალები საქართველოს ტერიტორიიდან უკან დახევის საბოლოო ეტაპზე იმყოფებიან, თუმცა ნათლად მიანიშნა, რომ ძალები დარჩებიან ბუფერულ ზონებში როგორც სამხრეთ ოსეთის, ისე აფხაზეთის მიდამოებში.
”სამხრეთ ოსეთში ქართული ანკლავები აღარ არსებობს” - კოკოითი
სამხრეთ ოსეთში არსებული ქართული ანკლავები ”ლიკვიდირებულია”, იუწყება სააგენტო ”რეგნუმი” თვითგამოცხადებული რეგიონის ლიდერის ედუარდ კოკოითის სიტყვებზე დაყრდნობით.
რუსულმა ძალებმა ზუგდიდში ადმინისტრაციული შენობები დატოვეს
რუსულმა ძალებმა უკვე დატოვეს ზუგდიდის ადგილობრივი ქართული ადმინისტრაციის შენობები, ასევე ადგილობრივი პოლიციის და სპეცდანიშნულების რაზმის შენობები, იტყობინება ქართული მედია.
”ჩვენ არ მოვმზადებულვართ ამგვარი განვითარებისთვის” - ქუთელია
საქართველო ფიქრობდა, რომ ძალიან დაბალი იყო რუსეთის მასიური შემოჭრის შესაძლებლობა, განაცხადა საქართველოს თავდაცვის მინისტრის მოადგილემ ბათუ ქუთელიამ Financial Times-თან ინტერვიუში.
აშშ რუსეთისგან კუთვნილი ”ჰამერების” დაბრუნებას ითხოვს
აშშ-ს სამხედრო ”ჰამერები”, რომლებიც რუსეთის ჯარებმა ფოთიდან გაიტაცეს, დაუყოვნებლივ უნდა დაბრუნდეს, განაცხადა აშშ-ს თავდაცვის დეპარტამენტმა 21 აგვისტოს.
თვითგამოცხადებული აფხაზეთი და სამხრეთ ოსეთი აღიარებას ითხოვენ
თვითგამოცხადებული აფხაზეთის პარლამენტმა რუსეთის პრეზიდენტს, აღმასრულებელ და საკანონმდებლო ორგანოებს მიმართა თხოვნით აფხაზეთის დამოუკიდებლობის აღიარების თაობაზე, იუწყება 21 აგვისტოს ”აფსნიპრესი”.
საქართველო დღევანდელი რთული ვითარებიდან ”ათმაგად, ასმაგად” გაძლიერებული გამოვა, აღიდგენს რა თავდაცვისუნარიანობას და ეკონომიკურ შესაძლებლობებს, განაცხადა 21 აგვისტოს პრეზიდენტმა სააკაშვილმა.
საფრანგეთი აპროტესტებს რუსული ძალების მიერ ელჩის გზაზე შეფერხებას
პარიზმა პროტესტი გამოხატა მოსკოვის მისამართით მას შემდეგ, რაც რუსულმა ძალებმა საფრანგეთის ელჩი საქართველოში ერიკ ფურნიე სამი საათით გააჩერეს გორის სიახლოვეს, განაცხადა საფრანგეთის საგარეო საქმეთა სამინისტრომ.
HRW აუფეთქებელი რუსული კასეტური ბომბების შესახებ აფრთხილებს
რუსეთის შეტევების შემდეგ დარჩენილი აუფეთქებელი კასეტური ბომბები კონფლიქტის ზონის მშვიდობიანი მოსახლეობის სიცოცხლეებს საფრთხეს უქმნის, განაცხადა ადამიანის უფლებათა დამცველმა ორგანიზაციამ Human Rights Watch-მა 21 აგვისტოს.
რუსეთის შეიარაღებული ძალების გენშტაბმა დღეს დაადასტურა, რომ 22 აგვისტოსთვის გაიყვანს თავის ძალებს საქართველოს ტერიტორიის სიღრმიდან, როგორც ეს კრემლმა განაცხადა.
აშშ-ს საზღვაო ძალების გემები საქართველოსკენ მოემართებიან
ორ ამერიკულ ხომალდს, მათ შორის USS McFaul რაკეტსაწინააღმდეგო გემს და ამერიკულ სანაპირო დაცვის კატარღას საქართველოში ჰუმანიტარული დახმარება მოაქვთ, განაცხადა აშშ-ს ევროპულმა სარდლობამ 21 აგვისტოს.
რუსეთის შეიარაღებული ძალების გენშტაბის მეთაურის მოადგილემ ანატოლი ნოგოვიცინმა განაცხადა, რომ ცხინვალის რეგიონში მყოფმა ეუთოს დამკვირვებლებმა იცოდნენ საქართველოს მიერ დაგეგმილი შეტევის შესახებ, მაგრამ ამის შესახებ რუსეთის სამშვიდობო ძალების სარდლობას არ აცნობეს.
აზერბაიჯანი დაინტერესებულია საქართველოს სტაბილურობით - ალიევი
საქართველოში მიმდინარე მოვლენები ეკონომიკურ ზიანს აყენებს აზერბაიჯანს, განაცხადა 20 აგვისტოს აზერბაიჯანის პრეზიდენტმა ილჰამ ალიევმა და დასძინა, რომ აზერბაიჯანი დაინტერესებულია, რომ საქართველოში სტაბილურობა აღდგეს.
რუსულმა ძალებმა ხელახლა გახსნეს ორი საგუშაგო გორში
20 აგვისტოს გვიან საღამოს რუსულმა ძალებმა ხელახლა გახსნეს გორში ის ორი საგუშაგო, რომლებიც ერთი დღით ადრე მოხსნეს, განაცხადა რადიო ”თავისუფლების” თბილისის ბიუროს ჟურნალისტმა ქალაქიდან დღეს დილით.
”ჩვენ ვისურვებდით, რომ გვქონოდა საერთაშორისო დახმარება ადგილზე” - სააკაშვილი
საქართველო ისურვებდა, რომ ჰქონოდა ”კონკრეტული დახმარება ადგილზე”, ნაცვლად მხარდაჭერის შესახებ გაკეთებული განცხადებებისა საერთაშორისო თანამეგობრობის მხრიდან, განაცხადა პრეზიდენტმა სააკაშვილმა 20 აგვისტოს.
რუსული ჯარების გასვლის სიგნალი არ ჩანს - ევროპის საბჭოს დეპუტატი
არანაირი სიგნალი არ ჩანს, რომ რუსული ძალები ტოვებენ საქართველოში ”ოკუპირებულ” ტერიტორიებს, განაცხადა 20 აგვისტოს ევროპის საბჭოს საპარლამენტო ასამბლეის მომხსენებელმა საქართველოზე მათიას იორშმა.
თვითგამოცხადებული აფხაზეთის პარლამენტმა მხარი დაუჭირა დე ფაქტო პრეზიდენტის სერგეი ბაღაფშის თხოვნას რუსეთისადმი აღიაროს აფხაზეთის დამოუკიდებლობა, იტყობინება ”ინტერფაქსი”.
აშშ-ს თქმით, თბილისს აფრთხილებდნენ თავიდან აეცილებინა კონფლიქტი რუსეთთან
აშშ-ს სახელმწიფო მდივნის თანაშემწის მოადგილემ მეთიუ ბრაიზამ განაცხადა, რომ ვაშინგტონი აფრთხილებდა საქართველოს თავიდან აეცილებინა რუსეთთან პირდაპირი შეიარაღებული კონფლიქტი.
რუსეთი ეწინააღმდეგება გაეროში საფრანგეთის ინიცირებულ რეზოლუციას
რუსეთმა უარყო საფრანგეთის მიერ მომზადებული გაეროს უშიშროების საბჭოს რეზოლუცის პროექტი საქართველოს შესახებ იმ მოტივით, რომ ის ცეცხლის შეწყვეტის შესახებ შეთანხმების ექვსი პუნქტიდან მხოლოდ ორს ასახავს.
რუსეთი ’ბუფერული ზონის’ რამოდენიმე დეტალს ახმოვანებს
რუსული ძალები სამხრეთ ოსეთის მიდამოებში მდებარე ”უსაფრთხოების ზონაში” საგუშაგოების ორ წყებას შექმნიან, განაცხადა რუსეთის შეიარაღებული ძალების გენშტაბის უფროსის მოადგილემ ანატოლი ნოგოვიცინმა 20 აგვისტოს.
რუსეთის ფედერაციის საბჭო ”მზადაა” სამხრეთ ოსეთის და აფხაზეთის დამოუკიდებლობა აღიაროს
”ფედერაციის საბჭო მზადაა აღიაროს სამხრეთ ოსეთის და აფხაზეთის დამოუკიდებელი სტატუსი, თუ ამ ორი რესპუბლიკის ხალხს ამის სურვილი ექნებათ და თუ იქნება რუსეთის პრეზიდენეტის შესაბამისი გადაწყვეტილება,” იტყობინება ”ინტერფაქსი” რუსეთის ფედერაციის საბჭოს თავმჯდომარის სერგეი მირონოვის სიტყვებზე დაყრდნობით 20 აგვისტოს.
პრეზიდენტი სააკაშვილი მიესალმა ნატოს გადაწყვეტილებას საქართველოსთან თანამშრომლობის ახალი ფორმატის შექმნის თაობაზე და იმედი გამოთქვა, რომ ეს დააჩქარებს საქართველოს ალიანსში გაწევრიანების პროცესს.
რუსეთის პრეზიდენტმა დიმიტრი მედვედევმა განუცხადა თავის ფრანგ კოლეგას, რომ რუსეთი თავის ჯარებს საქართველოს სიღრმიდან 22 აგვისტოსთვის გაიყვანს, იუწყება კრემლი სამშაბათს საღამოს.
საქართველოში შეიარაღებული კონფლიქტის დაწყებიდან მოკლულთა საერთო რაოდენობამ 215 ადამიანი შეადგინა ქართულ მხარეს, განაცხადა 19 აგვისტოს თავდაცვისა და უშიშროების კომიტეტის თავმჯდომარემ გივი თარგამაძემ.
რუსეთის საგარეო საქმეთა მინისტრმა სერგეი ლავროვმა განაცხადა, რომ ნატო ”მიკერძოებულია” რუსეთ-საქართველოს კონფლიქტის შეფასებისას და ”ანტირუსულ” ხაზს ატარებს.
ეუთო დაუყონებლივ განათავსებს 20 დამკვირვებელს ”სამხრეთ ოსეთის მიმდებარე ტერიტორიაზე”
ეუთოს მუდმივმოქმედმა საბჭომ 19 აგვისტოს მიიღო გადაწყვეტილება დაუყონებლივ გაგზავნოს 20 დამკვირვებელი სამხრეთ ოსეთის კონფლიქტის ზონაში ”ცეცხლის შეწყვეტის შეთანხმების და ჰუმანიტარული დახმარების მხარდაჭერის” გასაკონტროლებლად.
ნატო მოუწოდებს რუსეთს შეასრულოს ცეცხლის შეწყვეტის შესახებ საქართველოსთან მიღწეული შეთანხმება, განაცხადა ალიანსის გენერალურმა მდივანმა იააპ დე ჰოოპ სხეფერმა 19 აგვისტოს ნატოს საგარეო საქმეთა მინისტრების საგანგებო შეხვედრის შემდეგ გამართულ ბრიფინგზე.
რუსეთი საქართველოს შეთანხმების დარღვევაში ადანაშაულებს
ქართული მხარე არ ასრულებს შეთანხმებით აღებულ ვალდებულებას თავისი საჯარისო დანაყოფების დისლოკაციის ადგილებში დაბრუნების თაობაზე და საჯარისო ფორმირებები საბრძოლო მზადყოფნაში მოჰყავს, განაცხადა რუსეთის გენშტაბის მეთაურის მოადგილემ ანატოლი ნოგოვიცინმა დღეს გამართულ ბრიფინგზე.
რუსეთი სამხრეთ ოსეთის და აფხაზეთის სტატუსის განხილვას ითხოვს
ამერიკის შეერთებული შტატები და ბრიტანეთი ეწინააღმდეგებიან რუსეთის და საფრანგეთის ”აქტიურ მცდელობებს” გაეროს უშიშროების საბჭოს რეზოლუციის მიღებასთან დაკავშირებით, რომელიც კიდევ უფრო გაამყარებს უკვე არსებულ ექვსპუნქტიან შეთანხმებას, განაცხადა რუსეთის საგარეო საქმეთა სამინისტრომ განცხადებაში, რომელიც 18 აგვისტოს საღამოს გამოქვეყნდა.
გავრცელებული ინფორმაციით, ფოთში ქართველი სამხედროები დააკავეს
საქართველოს თავდაცვის სამინისტროს ჯარისკაცები, გავრცელებული ინფორმაციით, სპეცდანიშნულების რაზმიდან დღეს ფოთში რუსმა სამხედროებმა დააკავეს, იტყობინება ქართული მედია.
ლიტვა და პოლონეთი საქართველოსთვის MAP-ს ”რაც შეიძლება სწრაფად” ითხოვენ
ლიტვის და პოლონეთის პრეზიდენტებმა, ვალდას ადამკუსმა და ლეხ კაჩინსკიმ, ერთობლივ განცხადებაში საქართველოსა და უკრაინისთვის წევრობის სამოქმედო გეგმა (MAP) მოითხოვეს ”რაც შეიძლება სწრაფად”.
რუსულ ძალებს და სამხედრო ტექნიკას საქართველოდან გასვლა ჯერ არ დაუწყიათ, იტყობინება ”როიტერი” 19 აგვისტოს თავის კორესპონდენტებზე დაყრდნობით, რომლებიც ჩრდილოეთ ოსეთსა და თვითგამოცხადებულ სამხრეთ ოსეთს შორის საზღვრის ორივე მხარეს იმყოფებიან.
აშშ-ს სახელმწიფო მდივანმა კონდოლიზა რაისმა განაცხადა, რომ იგი ფიქრობს, რომ საფრანგეთი შეეცდება ახსნა-განმარტება მიიღოს რუსეთისგან, თუ რატომ არ შეასრულა ან არ შეუძლია შეასრულოს რუსეთის პრეზიდენტს თავისი სიტყვა, იტყობინება Associated Press.